The Marquis of Lossie - George MacDonald (best books for 20 year olds .txt) 📗

to pass yer days in yer ain stable, neither better nor waur than an ostler at the Lossie Airms, an' that efter a' 'at I ha'e borne an' dune to mak a gentleman o' ye, bairdin' yer father here like a verra lion in 's den, an' garrin' him confess the thing again' ilka hair upon the stiff neck o' 'im? Losh, laddie! it was a pictur' to see him stan'in wi' 's back to the door like a camstairy (obstinate) bullock!"

"Haud yer tongue, mem, gien ye please. I canna bide to hear my father spoken o' like that. For ye see I lo'ed him afore I kent he was ony drap 's blude to me."

"Weel, that's verra weel; but father an' mither's man and wife, an' ye camna o' a father alane."

"That's true, mem, an' it canna be I sud ever forget yon face ye shawed me i' the coffin, the bonniest, sairest sicht I ever saw," returned Malcolm, with a quaver in his voice.

"But what for cairry yer thouchts to the deid face o' her? Ye kent the leevin' ane weel," objected Miss Horn.

"That's true, mem; but the deid face maist blottit the leevin' oot o' my brain."

"I'm sorry for that.-Eh, laddie, but she was bonny to see!"

"I aye thoucht her the bonniest leddy I ever set e'e upo'. An' dinna think, mem, I'm gaein to forget the deid, 'cause I'm mair concemt aboot the leevin'. I tell ye I jist dinna ken what to du. What wi' my father's deein' words committin' her to my chairge, an' the more than regaird I ha'e to Leddy Florimel hersel', I'm jist whiles driven to ane mair. Hoo can I tak the verra sunsheen oot o' her life 'at I lo'ed afore I kent she was my ain sister, an' jist thoucht lang to win near eneuch till to du her ony guid turn worth duin? An' here I am, her ane half brither, wi' naething i' my pooer but to scaud the hert o' her, or else lee! Supposin' she was weel merried first, hoo wad she stan' wi' her man whan he cam to ken 'at she was nae marchioness-hed no lawfu' richt to ony name but her mither's? An' afore that, what richt cud I ha'e to alloo ony man to merry her ohn kent the trowth aboot her? Faith, it wad be a fine chance though for the fin'in' oot whether or no the man was worthy o' her! But, ye see that micht be to make a playock o' her hert. Puir thing, she luiks doon upo' me frae the tap o' her bonny neck, as frae a h'avenly heicht; but I s' lat her ken yet, gien only I can win at the gait o' 't, that I ha'ena come nigh her for naething."

He gave a sigh with the words, and a pause followed.

"The trowth's the trowth," resumed Miss Horn, "neither mair nor less."

"Ay," responded Malcolm; "but there's a richt an' a wrang time for the telling' o' 't. It's no as gien I had had han' or tongue in ony foregane lee. It was naething o' my duin', as ye ken, mem. To mysel', I was never onything but a fisherman born. I confess 'at whiles, when we wad be lyin' i' the lee o' the nets, tethered to them like, wi' the win' blawin' strong 'an steady, I ha'e thocht wi' mysel' 'at I kent naething aboot my father, an' what gien it sud turn oot 'at I was the son o' somebody-what wad I du wi' my siller?"

"An' what thoucht ye ye wad du, laddie?" asked Miss Horn gently.

"What but bigg a harbour at Scaurnose for the puir fisher fowk 'at was like my ain flesh and blude!"

"Weel," rejoined Miss Horn eagerly, "div ye no look upo' that as a voo to the Almichty-a voo 'at ye're bun' to pay, noo 'at ye ha'e yer wuss? An' it's no merely 'at ye ha'e the means, but there's no anither that has the richt; for they're yer ain fowk, 'at ye gaither rent frae, an 'at's been for mony a generation sattlet upo' yer lan'-though for the maitter o' the lan', they ha'e had little mair o' that than the birds o' the rock ha'e ohn feued-an' them honest fowks wi' wives an' sowls o' their ain! Hoo upo' airth are ye to du yer duty by them, an' render yer accoont at the last, gien ye dinna tak till ye yer pooer an' reign? Ilk man 'at 's in ony sense a king o' men is bun' to reign ower them in that sense. I ken little aboot things mysel', an' I ha'e no feelin's to guide me, but I ha'e a wheen cowmon sense, an' that maun jist stan' for the lave."

A silence followed.

"What for speak na ye, Ma'colm?" said Miss Horn, at length.

"I was jist tryin'," he answered, "to min' upon a twa lines 'at I cam' upo' the ither day in a buik 'at Maister Graham gied me afore he gaed awa-'cause I reckon he kent them a' by hert. They say jist sic like's ye been sayin', mem-gien I cud but min' upo' them. They're aboot a man 'at aye does the richt gait-made by ane they ca' Wordsworth."

"I ken naething aboot him," said Miss Horn, with emphasized indifference.

"An' I ken but little: I s' ken mair or lang though. This is hoo the piece begins:

Who is the happy warrior? Who is he That every Man in arms should wish to be?- It is the generous Spirit, who, when brought Among the tasks of real life, hath wrought Upon the plan that pleased his childish thought.

-There! that's what ye wad hae o' me, mem!"

"Hear till him!" cried Miss Horn. "The man's i' the richt, though naebody never h'ard o' 'im. Haud ye by that, Ma'colm, an' dinna ye rist till ye ha'e biggit a harbour to the men an' women o' Scaurnose. Wha kens hoo mony may gang to the boddom afore it be dune, jist for the want o' 't?"

"The fundation maun be laid in richteousness, though, mem, else- what gien 't war to save lives better lost?"

"That belangs to the Michty," said Miss Horn.

"Ay, but the layin' o' the fundation belangs to me. An' I'll no du't till I can du't ohn ruint my sister."

"Weel, there's ae thing clear: ye'll never ken what to do sae lang's ye hing on aboot a stable, fu' o' fower fittet animals wantin' sense-an' some twa fittet 'at has less."

"I doobt ye're richt there, mem; and gien I cud but tak puir Kelpie awa' wi' me-"

"Hoots! I'm affrontit wi ye. Kelpie-quo he! Preserve's a'! The laad 'ill lat his ain sister gang, an' bide at hame wi' a mere!"

Malcolm held his peace.

"Ay, I'm thinkin' I maun gang," he said at length.

"Whaur till, than?" asked Miss Horn.

"Ow! to Lon'on-whaur ither?"

"And what'll yer lordship du there?"

"Dinna say lordship to me, mem, or I'll think ye're jeerin' at me. What wad the caterpillar say," he added, with a laugh, "gien ye ca'd her my leddie Psyche?"

Malcolm of course pronounced the Greek word in Scotch fashion.

"I ken naething aboot yer Seechies or yer Sukies," rejoined Miss Horn. "I ken 'at ye're bun' to be a lord and no a stableman, an' I s' no lat ye rist till ye up an' say what neist?"

"It's what I ha'e been sayin' for the last three month," said Malcolm.

"Ay, I daursay; but ye ha'e been sayin' 't upo' the braid o' yer back, and I wad ha'e ye up an' sayin' 't."

"Gien I but kent what to du!" said Malcolm, for the thousandth time.

"Ye can at least gang whaur ye ha'e a chance o' learnin'," returned his friend.-"Come an' tak yer supper wi' me the nicht-a rizzart haddie an' an egg, an' I'll tell ye mair aboot yer mither."

But Malcolm avoided a promise, lest it should interfere with what he might find best to do.


CHAPTER IV: KELPIE'S AIRING


When Miss Horn left him-with a farewell kindlier than her greeting-rendered yet more restless by her talk, he went back to the stable, saddled Kelpie, and took her out for an airing.

As he passed the factor's house, Mrs Crathie saw him from the window. Her colour rose. She arose herself also, and looked after him from the door-a proud and peevish woman, jealous of her husband's dignity, still more jealous of her own.

"The verra image o' the auld markis!" she said to herself; for in the recesses of her bosom she spoke the Scotch she scorned to utter aloud; "and sits jist like himsel', wi' a wee stoop i' the saiddle, and ilka noo an' than a swing o' his haill boady back, as gien some thoucht had set him straught.-Gien the fractious brute wad but brak a bane or twa o' him!" she went on in growing anger. "The impidence o' the fallow! He has his leave: what for disna he tak' it an' gang? But oot o' this gang he sail. To ca' a man like mine a heepocreet 'cause he wadna procleem till a haul market ilka secret fau't o' the horse he had to sell! Haith, he cam' upo' the wrang side o' the sheet to play the lord and maister here! and that I can tell him!"

The mare was fresh, and the roads through the policy hard both by nature and by frost, so that he could not let her go, and had enough to do with her. He turned, therefore, towards the sea gate, and soon reached the shore. There, westward of the Seaton, where the fisher folk lived, the sand lay smooth, flat, and wet along the edge of the receding tide: he gave Kelpie the rein, and she sprang into a wild gallop, every now and then flinging her heels as high as her rider's head. But finding, as they approached the stony part from which rose the great rock called the Bored Craig, that he could not pull her up in time, he turned her head towards the long dune of sand which, a little beyond the tide, ran parallel with the shore. It was dry and loose, and the ascent steep. Kelpie's hoofs sank at every step, and when she reached the top, with wide spread struggling haunches, and "nostrils like pits full of blood to the brim," he had her in hand. She stood panting, yet pawing and dancing, and making the sand fly in all directions.

Suddenly a woman with a child in her arms rose, as it seemed to Malcolm, under Kelpie's very head. She wheeled and reared, and, in wrath or in terror, strained every nerve to unseat her rider, while, whether from faith or despair, the woman stood still as a statue, staring at the struggle.

"Haud awa' a bit, Lizzy," cried Malcolm. "She's a mad brute, an' I mayna be able to haud her. Ye ha'e the bairnie, ye see!"

She was a young woman, with a sad white face. To what Malcolm said she paid no heed, but stood with her child in her arms and gazed at Kelpie as she went on plunging and kicking about on the top of the dune.

"I reckon ye wadna care though the she deevil knockit oot yer harns; but ye ha'e the bairn, woman! Ha'e mercy on the bairn, an' rin to the boddom."

"I want to