Marriage Supper of the Lamb (Ugandan version) - Susan Davis (books successful people read .TXT) 📗

ibiri, nasemberaga kulya omugaati gwa Mukama waitu buli kiro, kandi hanyuma ya kaire kataito, nanywaga gilasi ina ezensande ya OZ buli kiro. Okusiiba kunu kyali ekintu ekisingireyo kuguma ninteekereza ekinakataanganaga omubwomezi bwange.

 

MUKAMA akandeeta omu kusiiba kunu nukwo nyefwere, nikyo nakozire. Akampeereza n'ebigambo biingi ebinalengereho nobwesigwa okuhandiika habwabandi kusoma. Ekihandiiko kikansomerwa MUKAMA omubiro byange ebyo kusiiba kuruga Okwokubanza 27, 2012 kuhikya Okwakasatu 6, 2012. (Boojo mumanye ngu amabaruha agakukira obwingi gamu na gamu agansomibwe MUKAMA gatateekweho ebiro byokwezi habwokuba okusiiba kwali kungumiire muno, nkaba ntakwenda kuteekaho muno maani habiro byokwezi rundi engeri obwire obwokusiiba bwagendaga mpora.) Omukusiiba kunu, MUKAMA akangamba kusaba "OMUGAATI OGWEIGURU" buli kaire obunagwendaga kuyambaho oburumi bwenjara YANGE. Nahabwekyo, nagusabaga obunahuraaga oburumi bwenjara, rundi oburumi bwona obwaijaga ha bwokusiiba. Obwire bwoona bunasabaga "OMUGAATI OGWEIGURU" kuruga hali MUKAMA, oburumi bwagendaga aho naaho.

 

Kyahuniirizaga kandi kyamahano. MUKAMA nuwe "MUGAATI OGWEIGURU" (Dora ekyahandiikirwe hansi hanu).

 

Hanyuma yokuhika hagati na hagati omukusiiba kunu, nkaba ninsoma ekitabu ekyandeteriize malikwo kwikaara kandi nkeetegereza. Kikaba nikibazaho omukazi ayayolekerwe Iguru hamu na gehena. Akagamba ngu omu gehena, abo abaliyo, barumwa enjara hamu neiroho ebiro byoona. Kanu kaali kasumi akokunsoboora omu kusiiba kunu habwokuba nkaba ninsiiba kwonka kuruga ha byokulya kumara ebiro makumi ana. (Kandi NYOWE era nkaba ntaine iroho habwokuba nanywaga amaizi omukusiiba Kunu.) Baitu tinasoboraga kukibaliiramu kumara ebiro byoona omuntu n'orumwa enjara. (Kunu ebiro makumi ana byali kurwanisa okwamaani muno) Hamu n'eiroho, kandi na habwekyo ninyenda abandi bateekerezeho amananu agamaani ganu hamu nokuteekerezaho nobwegendereza aha birarugiiramu byabo ebyobwomezi obwebiro byoona.

 

Ninsiima muno MUKAMA habwokundabya omu kusiiba kunu okwebiro makumi ana.

 

Ebikukwataho ebigambo binu ebyampairwe,MUKAMA akakolesa ebigambo biingi muno ebinali ntamanyire nokumanya ekibiikumanyisa kandi nabiseeraaga ekibiikumanyisa kandi nasangaga biri ebigambo ebyomuhendo. Nyowe era ndi muhandiiki kandi obumpaandiika ekintu ekinyakuraihire nke kihandiiko kinu ekyempapura chikumi nokweyongera mumaiso, hati kakusinga nali nkyehandiikiire nyenka, kyakunyetaagisibwe kuhandiika ningarukiranizamu, ninyihamu ebigambo ebimu, oba ningaitamu ebindi, kandi kunu ekihandiiko kinu kitahindurwemu naakamu,--nkaba nimpandiika ebya MUKAMA akunsomera engeri yabingambaga.

 

Nkahandiika ebigambo bya MUKAMA omu katabu, kandi nayongera na bitaipinga byoona nkokubiri ntaine ebingarukiremu rundi kuhinduramu--orujungu orutaine kahoiga koona. Ekitiinisa kyoona kigarukire MUKAMA! Webale MUKAMA, habwokugumisiriza kwawe n'ekikozeso kinu ekyahansi muno, SUSAN DAVIS.

 

YESU NUWE MUGAATI OGWE'IGURU.

 

Yohana 6:29-58 Yesu yagarukamu nabagambira ati,gunu nugwo mulimo gwa RUHANGA, okuikiriza ogu ouyatumire. Kandi bamugambira ngu Nukwo, kokuro'raho ki iwe akokora, itwe turole tukuikirize? Okora omulimo ki? Baisenkuru itwe bakalya emanu omu irungu; nkokukyahandiikirwe ngu, Akabaha ebyokulya ebyarugire omu Iguru. Kandi Yesu yabagambira ati mali mali nimbagambira nti tali Musa yabahaire ebyokulya ebyarugire omu Iguru; rundi Isenyowe nuwe abaha ebyokulya ebyamananu ebiruga omu Iguru. Baitu ebyokulya ebya RUHANGA nibyebi ebiruga omu Iguru, ebiretera Ensi obwomezi kandi bamugambira ngu MUKAMA waitu otuhege obutosa ebyokulya ebi.

 

YESU yabagambira ati, NINYOWE byokulya byobwomezi, anyakuija namberendi talirumwa njara, nanyakunyikiriza talikwatwa iroho na kake. Baitu nkabagambira nti mumboine, kunu timuru kuikiriza. Boona Isenyowe abampa baliija namberendi, anyakuija namberendi tindimubingira aheru na kake. Baitu ntaruge omu Iguru okukora ebindukugonza nyenka, baitu ogu ayantumire ebyagonza.

 

Ayantumire ekyagonza nikyo kinu ngu ha kyoona ekyampaire haleke okuburaho na kake, baitu nkiimukye ha kiro kya hampero. Isenyowe ekyagonza nikyo kinu, weena anyakurora Omwana, namuikiriza, atunge obwomezi obutahwaho, nanyowe ndimuimukya ha kiro kya hampero. Abayudaaya nikyo bamuhyemeriire, baitu akagamba ati Ninyowe byokulya ebyarugire omu Iguru. Nibagamba ngu onu tinuwe YESU Omwana wa Yusufu, outumanyireho ise na nyina? Hati bunu nagamba ata Nkaruga omu Iguru? YESU yagarukamu nabagambira ati mutahyema inywenka.

 

Busaho muntu asobora okuija namberendi, Isenyowe ayantumire obwatamucunda; nanyowe ndi muimukya ha kiro kya hampero. Kikahandiikwa omu banabi ngu Naboona balyegesebwa RUHANGA. Omuntu wena amazire okuhu'ra hali ISENYOWE nayega, aija namberendi. Kandi busaho muntu araboine ISENYOWE rundi ogu ayarugire hali RUHANGA, nuwe yarozire ISENYOWE. Mali Mali nimbagambira nti, anyakuikiriza ayina obwomezi obutahwaho. Ninyowe byokulya byobwomezi. Baisenkuru inywe balyaga emanu omu irungu nibafa. Binu nibyo ebyokulya ebiruga omu Iguru, omuntu abiryeho aleke kufa.

 

Ninyowe byokulya ebyomiire ebyarugire omu iguru, omuntu wena, obwalya ha byokulya ebi, alyomera ebiro nebiro: ego ne byokulya ebindihayo nugwo mubiri gwange, obwobwomezi bwensi. Kandi abayudaaya bakatera empaka bonka nibagamba ngu omuntu onu nasobora ata okutuha omubirigwe okugulya? Kandi YESU yabagambira ati Mali Mali nimbagambira nti, obumutalya mubiri gwa mwana womuntu nimunywa esagamaye, timuyina bwomezi omulinywe.

 

Anyakufutana omubiri gwange nanywa esagama YANGE ayina obwomezi obutahwaho: nanyowe ndi muimukya ha kiro kya hampero. Baitu omubiri gwange nikyo mali, n'esagama YANGE nikyo kyokunywa Mali. Anyakulya omuburi gwange nanywa esagama YANGE buli aikaire omuli NYOWE nanyowe omuluwe. Nka isenyowe omwomezi okuyantumire, nanyowe nkokundukwomera habwa ISENYOWE, nukwo ati anyakundya; nuwe alyomeera habwange. Ebi nibyo byokulya ebyarugire omu Iguru, tikiri nka baisenkuru itwe okubaliire nibafa. Anyakulya ebyokulya binu alyomera ebiro n'ebiro.

 

Imprint

Publication Date: 04-15-2019

All Rights Reserved

Dedication:
NOTICE: You are encouraged to distribute copies of this document through any means, electronic or in printed form. You may post this material, in whole or in part, on your website or anywhere else. But we do request that you include this notice so others may know they can copy and distribute as well. This book is available as a free ebook and mp3 at the website: http://end-times-prophecy.com and http://marriagesupper.wix.com/endtimescatalog OKUMANYISA: Nohaburwa kugaba empapura ze kihandiiko kinu kuraba omumiringo yoona eyokwenda, hambeho, rundi mumulingo ogwempapura ezipurintingirwemu. Osobora kuhandiika okateeka ebigambo binu, byoona rundi mubichweka, aha mukutu gwawe, rundi ahandi hoona. Baitu nitukusaba kuteekamu okumanyisa Kunu nukwo abandi basobole kumanya nukwo bakope kandi nabo bagabire abandi. Ekitabu kinu kiroho kyabusa aha intaneti, hamu na mp3 aha Mukutu. https://marriagesupper.wixsite.com/endtimescatalog/marriage-supper-of-the-lamb#!