25th Hour - Micah Fruto (good short books txt) 📗

ko sabihin mo na.." nakatalikod pa rin ako nun.

"I told you I love it.." inulit pa niya.

Hindi ko alam kung maiinis pa ako kaya kahit na nakalagay pa sa balikat ko yung tuwalya ko eh humarap na ako sa kanya. Dala-dala ko rin yung maliit na bag ko kung saan ko nilagay yung gamit na pinagpalitan ko. Nakapamewang pa ako nun.

Pagharap na pagharap ko sa kanya eh hindi ko alam baka nanlaki na yung mata ko sa sobrang gulat..

"HOLY COW!!!" napaatras naman ako nun.

Kung titignan mo nun eh parang nag-usap kami kung anong susuotin namin. Naka denim shorts din siya pero below the knee naman, naka-blue na shirt, black slippers, at may shades din siya pero nakasabit naman sa shirt niya. Ang kaibahan lang, may necklace siyang itim at ako naman eh anklet sa paa.

"Ginaya mo ba ako?" tinuro ko naman siya.

Ngumiti siya uli.

"Ngayon nga lang kita nakita simula kagabi sasabihin mo ginaya kita?" tumawa na naman siya, "Coincidence siguro."

"There's no such thing as coincidence.." sinabi ko na medyo naiirita pa ako.

"Paano mo nalaman?!?"

"I just... know." oo nga paano ko ba nalaman yun?

"Fine. Ayaw mo ng coincidence..." nag-isip naman siya, "We think alike."

"Magpalit ka na..." sinabi ko talaga yun sa kanya?

Siya naman ang lumapit sa akin at napatingala tuloy ako sa sobrang lapit.

"Bakit naman ako magpapalit eh kasusuot ko pa lang nito?!?"

"It took me almost an hour sa bathroom.. alangan naman ako ang magpalit?!?" tinuro ko siya lalo.

"Ano bang problema sa outfit?!?"

Ano ba naman itong tao na ito? Hindi niya alam kung anong problema doon sa outfit?!? Ako syempre alam ko..

"Basta magpalit ka! We look almost... the same." almost lang naman...

"So?!? We're not twins!" pilosong ito!

"So-so ka diyan! So-sohin mo ang mukha mo! Alam mo ba kung sino lang ang nagsusuot ng parehong damit?!?"

"O sino?!?" nakikipag-away ba siya sa akin eh o nakikisakay?

"Mga cou--" iniwas ko tingin ko. "Never mind. Basta magpalit ka, sabi ko."

"Cou---ples?"

"NO?!?" deny pa ko. I totally meant to say.. couples.

Dahil nga medyo naasar na rin ako nun eh hindi ko napansin na may tao na pala akong naatrasan kaka-atras ko kay Jasper. Kasi naman eh bakit ba parehas pa kasi kami ng suot eh! Well.. almost.

"What do we have here?" narinig ko si Carlo sa likod ko dahil naatrasan ko siya. "LQ?"

"LQ?!?" tinaasan ko siya ng kilay ko.

"Yun na rin term sa inyo 'di ba? You like her, you like him.." tinuro niya kami ni Jasper. "Teka... bakit parehas yata kayo ng suot? Nag-usap kayo?!?"

"HINDI!" sinigawan ko talaga siya.

Hinawakan niya yung tenga niya.

"Easy Riel, kaharap mo ko.." sabi ni Carlo sa akin. "Ano bro?!"

"Nope. Hindi kami nag-usap." nag-cross arms si Jasper pero halata mong natatawa-tawa siya.

"O ano ngayon pinag-aawayan niyo?"

"SINABI KO KASI MAGPALIT SIYA BAKA KASI ISIPIN NG MGA TAO.."

Natawa rin si Carlo nun. As in, tawang namumula na yung mukha niya.

"Sinabi ko bakit naman ako magpapalit, e di siya na.." tinuro ako ni Jasper.

"Siya yung lalaki ako yung babae ako pinagpapalit niya?!?"

Panay ang lipat ng tingin ni Carlo sa akin, then Kay Jasper.

"KNOCK IT OFF!" sabi ni Carlo kaya napahinto kami ni Jasper. "Para yan lang pipnag-aawayan niyo pa?"

Tinignan ko si Jasper nun.

"Sino bang maysabi na nag-aaway kami?!?"

"Ano pa pala yung ngayon!?" tinanong ako ni Carlo, "O sige.. para walang away ganito na lang..."

Lumapit si Carlo sa amin at hinawakan niya yung balikat ko at balikat din ni Jasper. Nakatingin lang kami sa kanya ta mukhang magbibigay ng comment niya.

"Syempre para tabla, mas mabuti siguro na..."

HIndi naman namin inaasahan na lalagyan niya ng pressure yung pagkakahawak niya kaya nagulat kami ni Jasper bigal nung tinulak niya kami ng sabay.

Nahulog kami parehas doon sa pool.

"AAAAAHHHHHHHHHHHHHHH!" nakainom yata ako ng tubig nun kaya humawak ako doon sa tiles sa gilid. "Bakit mo ginawa yun?!?"

"CARLO!!! LAGOT KA SA AKIN!" halata mong galit na si Jasper nun.

Humawak din siya sa tile sa gilid at hinawakan niya ako sa likod ko dahil panay na ang cough ko nun.

"Ok ka lang?!?"

Si Carlo eh mukhang tuwang-tuwa pa sa nakikita niya.

"Hindi nakakatawa Carlo."

"Tingnan niyo yung itsura niyong dalawa. E di tabla na kayo... parehas kayong magpapalit.." tapos may nilabas siyang digital camera. "Say.. CHEESE!"

Pipigilan sana ni Jasper si Carlo at humawak na siya doon sa tiles doon sa gilid para makaahon na siya. Kaya lang nag-slip yung paa niya napahawak siya sa akin.

HE DRAGGED ME DOWN. The heck.

OH GREAT!!! NOW WHAT DO WE HAVE HERE?!? A cute picture?!?! 

Chapter 5

 

This time talaga, nakainom na talaga ako ng tubig dahil sumigaw ako tapos hinila niya ako pababa. Kadiri talaga. Hinawakan kasi ako ni Jasper sa kamay ko. Dahil mas matangkad siya sa akin at halata namang mas mabigat, nahila ako pababa.

Ang higpit ng hawak niya nun kaya hinawakan ko yung kamay niya at pinilit kong alisin yung kamay niya. Nawawalan na ako ng oxygen...

HEEEELLLPPPP!

Ayun, naalis ko naman. Hingal na hingal ako nun. Si Jasper hindi ko na napansin. Baka ayun, nagpakalunod na sa kailaliman ng swimming pool.

Humawak uli ako doon sa gilid. Kaya lang pagtingin ko...

"Whoa.. bakit may dugo dito?" tinuro ko yung nasa gilid ko habang nagka-cough pa ako. "Ano yan?!?" tinanong ko si Carlo.

"Ewan ko..." tapos umupo siya doon malapit sa akin, tapos tumingin siya doon sa pool.. nagulat na lang ako nung sumigaw siya ng.. "BRO!!! BRO!" inalis niya yung t-shirt niya kaya lang napatingin na ako doon sa likod ko.

Naka 'Dead Man's Float' si Jasper.

"Oh my God anong nangyari?!?" tapos lumangoy ako doon sa direksiyon niya.

Hinawakan ko siya doon sa sa t-shirt niya at hinila ko siya. Tatalon dapat si Carlo kaya lang sinabihan ko siya na huwag na at kaya ko siya. Tinulungan niya na lang akong i-angat si Jasper doon sa gilid.

Bumilis yung tibok ng puso ko nun.

"Huwag mong sabihin sa akin na nalunod siya?!?" nanginginig na yung boses ko nun. "Hindi ba siya marunong lumangoy? Kasi kung alam ko lang 'di ba hindi ko na inalis yung kamay niya..."

Si Carlo nun eh medyo namumutla na yung itsura.

"Bro.. bro.." panay ang tapik niya sa pisngi ni Jasper, "Bro ayos ka lang?!?"

"Nalunod yata siya eh!!!" sumigaw ako doon, "Sabihin mo na sa kanila.."

"Hindi siya nalunod Riel!" sumigaw si Carlo sa akin, "Nag competitive swimming na siya before, imposibleng malunod siya."

Tinapik-tapik siya ni Carlo sa pisngi niya. Nagulat na lang ako nung biglang nag-cough din si Jasper.

"Hey ano ba! Bakit mo ko sinasampal?!?" nag-cough na naman uli.

Yumuko ng kaunti si Jasper.

"Nakainom ako ng tubig..." tapos hinawakan niya yung tuhod niya, "Ou--"

"Ano bang nangyari sa iyo?!? Parang nalunod ka ah. Hindi ka na kumikilos."

"I felt numb you jerk!" sinabi niya kay Carlo tapos tinulak niya ng malakas, "See that?!?"

Pinakita niya yung paa niya at nakita ko na may malaki siyang cut doon. Panay pa man din ang dugo.

"May broken tile pala doon sa gilid. Nasugatan ako. Kaya napahawak ako kay Riel.." tapos tumingin siya sa akin.

"Lagyan mo na ng gamot yan, baka ma-infect."

"Akala ko naman kung ano na ang nangyari sa iyo." sabi ni Carlo na nakatawa pa, "Nasugatan ka lang pala.."

"I told you I felt numb.." sabi ni Jasper na halata mong naiinis na.

"Concern na concern pa man din si Riel.." sabi niya, "Ima-mouth-to-mouth ka na niya sana eh.."

Nagulat ako doon sa sinabi niya kaya hinampas ko rin siya ng malakas.

"Ano ka! Wala akong sinabi ah!"

"Hayaan mo na si Carlo, Riel. Baliw yan.." tapos tumawa siya ng nakakaloko, "Riel nalulunod ako!!!" hawak niya kunwari yung leeg niya.

Ganun pala ah...

BINATUKAN KO NGA NG MALAKAS!

***

After that, alam kong inalalayan na ni Carlo si Jasper para gamutin yung sugat niya sa paa. Ang laki talaga. Ni-ayaw ko ngang tignan kasi panay dugo na yun.

Ako naman eh nagpalit na ako doon sa taas kasama si Kay. Tinanong pa niya ako kung anong nangyari sa akin at mukha daw akong basang sisiw, kaya sinabi ko nahulog ako sa pool. Kinuha ko yung black t-shirt ko na nasa bag ko, at yun na lang ang sinuot ko. Ayun, nagpantalon na lang ako.

Dahil nga sa may na-accident doon sa sirang tile sa pool, pinagbawalan na lahat na maligo doon at baka sa susunod eh meron na namang masugatan. Responsible naman yung resort doon, at kung ano mang pag-areglo ang gagawin nila sa school at sa parents (aunt and auntie) ni Jasper, ewan ko na.

Tinuloy pa rin naman yung recollection. Besides, second day pa lang namin ngayon. Hanggang bukas pa kami dito.

Nakaupo na kami doon sa monoblocks uli sa may chapel nila at nakita ko na dumarating na naman si Jasper. Halata naman na may sugat siya kasi naka tsinelas lang siya at nagli-limp.

Nung kumpleto na kami, saka lang nagsalita yung speaker sa harapan.

"Bago nga pala tayo magsimula, gusto ko lang ipaalam sa lahat ng seniors na nandito.." sabi nung babae tapos tumingin siya sa aming lahat, "Last day niyo na dito tomorrow. So we're having a party.."

Nag-hiyawan naman doon sa buong chapel kaya medyo nabingi rin ako. Excited naman 'tong mga ito sa party.

"Bukas na ng gabi yun bago kayo umalis." sabi nung speaker na nakangiti pa, "Awarding, dancing, singing.. food.. normal party.." sabi niya uli.

May mga babae pa na kinikilig-kilig kaya medyo nairita ako. Ang OA ah..

"Take note, may binago lang kaming konting detail.." hinigpitan niya yung hawak niya sa microphone, "Gals will ask guys... as their dates."

Nanahimik kaming lahat nun. Bakit ganun?!?

"Oh no she didn't!" sabi ni Kay na nagulat din, "Bakit naman baliktad? Hindi ba nakakahiya yun?!?"

"Who needs a date anyway?" sinabi ko at nagsungit pa ako.

"Asus kung magsalita ito! Mas masaya kaya may date ka.."

"Bakit naman?!?" tinanong ko si Kay.

"At least sigurado may kasayaw ka na... kahit isa."

"Loka!"

Binigyan kami per class ng dalawang kandila (again!). Symbolism daw ang kandila ng pagiging 'totoo'. Pagiging sincere kumbaga.

Ibig sabihin daw nun eh yung dalawang phrase na nahihirapan daw ang mga taong sabihin. 'Thank You' and 'I'm Sorry'. Iikot ka sa buong klase mo, at yung isa eh bibigay mo sa taong gusto mong pasalamatan, at gusto mong mag-sorry ka. Then pagkatapos mong sabihin sa kanya kung bakit, yung binigyan naman ang iikot at iaabot sa taong gusto niyang mag-sorry at mag-thank you.

Pinatugtog naman yung nakakalungkot na tugtog nun. Dapat kasi tatayo yung unang magsisimula, tapos kukunin yung kandila. Nagkakahiyaan yata kaya walang gustong tumayo. Yung ibang section nakapagsimula na.

Wala pa ring tumatayo sa amin. Ano ba naman yan? Yung mga nasa harapan napaka-mahiyain naman.

Hindi na ako makapag-pigil nun. Papatagalin pa nila eh.. kaya bigla-bigla na lang akong tumayo.

"Ako na nga magsisimula.." nagkatinginan kaming dalawa kaya sabay kaming napaupo, "Ikaw na nga.."

Nagtinginan na naman lahat sa amin. Kaya ayoko ng ganito eh.

"Sige na nga ako na..."

Arrrrggghhh! Kailangan ba magsabay kami?

Nauna na siya sa harapan kahit na hirap na hirap siyang maglakad. Kinuha niya yung dalawang kandila. Grabe naman, sabi isa lang ah!

Pumunta na rin ako at kinuha ko yung isa sa kanya. Kinuha ko yung 'Sorry.' Nagtingin siya sa chapel, at ako rin eh nagtingin. Ano ba naman yan kanino ba ito?!?

Bigla na lang akong tumalikod.

"Riel.." tapos ini-extend niya yung kamay niya, "Thank you." seryoso naman siya, "Thank you dahil nakilala kita."

Nagulat ako nun kay napaatras naman ako. Ako naman ang nag-extend ng kamay ko.

"Sorry..." sabi ko sa kanya kaya nagulat din siya.

"Para saan?!?"

"For everything that I've done."

"Wala ka naman ginawa ah!"

Hindi niya alam na nagsisinungaling ako sa kanya...

"I'll tell you tomorrow..." tapos yumuko ako, "I'm sorry Jasper."

Nakatingin lang siya sa akin at medyo puzzled na. Alam ko naguguluhan na siya. Pero sasabihin