TEKANIRIZA OKUTWARWA KWEKANISA (Ugandan Version) - Susan Davis (leveled readers .TXT) 📗

 

Abahondezi ba KRISTO abakugonzebwa: Mwebale muno habwobusagiki bwanyu obumugumiizemu obwobuhereza bunu obwa MUKAMA Obwobunabi bwobwire bwempero. Boojo mumanye ngu omukutu gunu gulimu kwongera kwombekwa kandi nitunihira kwongera kugaruka kurungi muno nokukiraho. Kasta omukutu guraaba nigurubata kurungi,nitugya kubamanyisa bwangu--omubwire obwo, hanu twine ebigambo ebikuru muno kuruga hali RUHANGA hamu nobutumwa obumu obukuru obunyakuli hansi hanu. RUHANGA abahe emigisa, Susan.

 

 

 

 

Ebigambo bya MUKAMA:

 

"NGONZA KUKIRA ABANDI BOONA"

 

(Ebigambo ebitungirwe Susan Davis kuruga hali MUKAMA waitu, Okwamwenda 29, 2013)

 

Nyiniira abaana ebigambo.

 

Baana, BANGE: onu ni RUHANGA wanyu. Bwangu ngya kuleeta ekuhwerekerra omunsi hanyuma yokutwara abagonzebwa BANGE. Ngya kwikiriza ensi kurora endugiiro yokunyanga, NYOWE RUHANGA wayo, Omuhangi.

 

Ensi eija kwija etatekaine. Eija kugwa mukuburanganizibwa,engeri etakabaga kandi engeri etalyongera kuba. Binu byoona bibali mumaiso--nibiija hambiro ezomurabyo. Ebicu ebikwiragura birimu kwija omunsonda ina zoona ezensi kusweka ensi enu enyakuhinduire omugongo gwayo hali NYOWE Yanyanga. Ensonda ina zoona zangire RUHANGA wazo.

 

Oragenda nkaha kutunga obusinge? Orahindukira nkaha? Ensi tesobora kwesigwa. Timuli munchwamu. Mumpindukire NYOWE RUHANGA wanyu, OMUJUNI wanyu. NINYOWE NYENKA owasobora kubajuna hati. Mutakerererwa omukumpindukira. Teeka omukono gwawe aheeru, weheyo omu Kugonza KWANGE. Mpereza ebyawe byoona. Omutima gwawe, Omwoyo gwawe, ebitekerezo byawe, engonzi zawe.

 

Ndimu kubeeta. Mutafwerwa omuhanda gwanyu, omuhanda gwanyu ogwebiro byoona. Mwije museere engonzi zonka ezikwikaraho. Ezikwemerezaho. Ezitahwaho, ezitahinduka, ezitasobora kulemwa. Mwije munseere nobujunanizibwa obutalemwa, engeri mbwine obunahaireyo obwomezi bwange aha musaraba. Nkafwa nokubonabona hamu nokugonza okukumara habwanyu.

 

Ngonza kukira abandi boona! Mutayanga engonzi zinu kutunga ebicheke ebindi. Ndi mugonzebwa womwoyo gwawe, baitu kakusinga okomamu omunyanzigwa WANGE, hamu nensi, kuhayo omutima gwawe, ngya kukwikiriza kugenda ha muhanda gwawe. Engonzi zange Nizisaba okwehayo okwijwire-mutekwa kukomamu NYOWE nyena rundi busaho NYOWE-Tiharoho kindi kyoona. Enkoragana yanyu NANYOWE eyetaijwire neisanaisana nketaroho. Ningya kubatanakayo. Ebigambo BYANGE bihikire!

 

Muli booha? NYOWE RUHANGA wanyu rundi omunyanzigwa womwoyo gwawe? Musobora kukomamu. Mwine enchwamu enuna eyokukora. Bataito muno bakomamu RUHANGA Wabo. Bataito muno baija kwihwamu obundaija kutwara abange.

 

Ndimu kubahereza okurabura kunu engeri ekiirima kirimu kutaahamu haihi nainywe. Mukomemu namagezi.

 

Onu nuwe MUKAMA wanyu- OMUJUNI wa byoona. 

 

Ebyahandikirwe ebikugunderaho:

 

Matayo 24:21 Baitu omu biro ebi halibaho omuhito omwingi ogutakabahoga ensi ekaba okubaho nokuhikya hati, kandi tigulibaho obwakabiri.

Marako 12:28-30 Kandi omu hali abahandiiki, yaija yabahu'ra nibakaguzangana bonka, kandi amanyire abagarukiremu kurungi, yamukaguza ati kiragiro ki ekitukubanza ha byoona? YESU yagarukamu ati, Ekirukubanza nkinu Hu'ra Isareri; MUKAMA RUHANGA waitu MUKAMA ali omu.

Okusukururwa 3:16 Nukwo obwokutagata koya koya, kunu torukufuka kandi torukutagata ningenda okukutanaka omu kanwa KANGE.

Matayo 24:37 Baitu nke Biro bya Nuha okubikaba biri, nukwo kuliba kuti okwija kwomwana womuntu.

Yoweri 2:1-2 Mutere engwara omu sayuni,engoma zirahe ha rusozi rwange orurukwera, abomu nsi bona batukumire, baitu ekiro kya MUKAMA nikiija kiri haihi muno; ekiro ekyomuirima kandi ekibunda, ekiro ekyebicu nomuirima, kasira, nkemamba okwesara ha nsozi; abantu abakuru abamani tihakabaga abokusisana nabo kunu tihalibaho hanyuma yabu, nokuhikya emyaka yobusinge bwingi.

 

15. TINKWIJA KUSOBORA KUKWIHAMU NOMUGOLE KANDI NKOMUGOLE WANGE KAKUSINGA ORAABA OSWIRWE ONDI

 

(Ebigambo ebitungirwe Susan Davis kuruga hali MUKAMA waitu, Okwaikumi 1, 2013)

Leka nkuhereze ebigambo.

 

Ndi Ruhanga owokulengesaniza okwamaani. Ninduga mubiro byoona ningya mubiro byoona. Obuntu bwange tibusobora kwetegerezebwa. Ndi kuruga aha kubanza kuhikya ha kumaliira. ALPHA na OMEGA.

 

Nyetekaniize kutwara ekiikaro KYANGE omu Iguru, nka omwegesa wanyu owa maani, omugole WANGE kubatwara omu Iguru LYANGE. Ndimu nindora ndindiriire, akasumi akamaiso gaitu garatangatangana kandi inywe omugole WANGE omugonzebwa murandora maiso na maiso. Kanu niko akasumi akandindiriire kandi kasembiire haihi nainywe kukira kuba hara yanyu.

 

Mbainiire ekiikaro, kitekanirizibwe Inywe abagole BANGE. Nyine ebisiika biingi, muno ebitekanizibwe. Taata WANGE abakoleire eka enyakusemiire, tekwisana eka yoona omunsi. Haroho ekiikaro ekibalindiriire, nambere hatali maziga goona, busayo busaasi--kuhumurra kwonka okwabaana BANGE. Obusinge hamu nokuhumuzibwa. Kiri kisembo ekyebiro byoona kuruga hali ISIINYWE haiguru.

 

Kinu kibalindiriire, bagole BANGE, oburungi obutagambwa-busaho kintu kyoona omunsi ekyokulengesanizamu. Busaho kintu kyoona ekyokulengesanizamu nakyo. Busaho nomu weena asobora kuteramu akasisani akebintu ebintekanirize abo abakungonza. Mutekwa Kumanya NYOWE.

 

Mutekwa kukomamu kuba omunkoragana NANYOWE. Kinu tikikusoboka kakusinga oba noyeteraniza nekisisani kyoona ekyokakusanga ha mulyango buli hokurubata. Ekisisani kisobora kuba kintu kyoona ekikusobora kukutwaraho engonzi zaawe kuruga hali NYOWE. Ekintu kyoona ekitwaire omwanya gwange omu mutima gwawe kiri kisisani. Tinkwija kusobora kukwihamu nomugole kandi nkomugole WANGE kakusinga oraaba oswirwe ondi. Omutima gwawe gutekwa kuba guli hali NYOWE nyenka rundi buli oli aheeru Yokugonza KWANGE, kandi oija kuba aheeru yobukama bwange.

Kebera omutima gwawe. Kiki ekikugya mukiikaro KYANGE Omu mutima gwawe, NYOWE ayakukozire, omuhangi? Kiki ekyokumara nakyo obwire bwingi muno kukira NYOWE? Kiki ekikukulya muno kukira engonzi zaawe ezonyiniire NYOWE?

Nikizooka nkarundiisi ndi weihali? Ndi Ruhanga weihali!

 

Nkabahanga.

 

Nkabaha obwomezi.

 

Nkabaha orwoya.

 

Mbainiire ihali--baitu kakusinga mutankomamu, ngya kuikiriza enchwamu enu kandi enchwamu yanyu eija kubateeka omu Kugonza kwa sitani, kandi oraaba wa sitaani kandi osigale nawe kumaliira omaliire omu biina bya gehena nambere hali okubonabona, nokufubirwa kandi nomunyongorozi tigufwa.

 

Boojo, mwongere mumanyiire ekiikaro kyanyu hali NYOWE! Kisisani ki ekikusemeera okuhwerekereza kwanyu? Mugaruke omu ngonzi zanyu ezokubanza--Ruhanga wanyu owebiro byoona. Mwine obwire obutaito muno obukusembayo engeri ensi neyeyongera ekiirima buli kiro. Boojo muhurre okucura KWANGE. Nimbaculira, O baana BANGE abanyakubuzire. Muhinduke, muhinduke mumpindukire, NYOWE RUHANGA wanyu, omuhangi wanyu. Omutima gwange gulimu kubaculiira. Muhinduke! Muhinduke! Muhinduke!

Ebyahandiikirwe ebikugenderaho:

1 Abakorinso 13:12 Baitu hati bunu nturo'ra omu ndolerwamu ebitarukurorwa kurungi: omubiro biri tulirorangana namaiso: hati bunu manyireho ekichweka, omu biro biri ndimanyira kimu nkokunamanyirwe kimu.

Okusukururwa 22:13 Ninyowe ALPHA NA OMEGA, KUTANDIKA HAMU NOKUMALIIRA. KUBANZA HAMU NOKUSEMBAYO.

 

Okusukururwa 21:4 Kandi na RUHANGA alisiimuraho amaziga goona omumaiso gaabu, kandi tihalyongera kubaho kufwa, rundi enaku, nobukwakuba kucura, nobukwakuba obusasi bwona, habwokuba ebintu ebikuru bimazire kurabaho.

1 Abakorinso 2:9 Baitu nkokukyahandikirwe ngu Eriso ebiritakabonahoga, kandi okutu ebikutakahurahoga, ebitakatahaga omu mutima gwomuntu, nibyo RUHANGA yatekanirize abarukumugonza.

 

Okuruga 34:14 Baitu otaliramya omuchwezi wena, baitu MUKAMA ibaralye nuwe Ihali, nuwe RUHANGA wihali.

 

Ekyebiragiro 30:15 Dora ntaireho omu maiso gawe hati obwomezi noburungi, kandi okufa nobubi.

 

16. OKUTIINA RUHANGA

 

Abahondezi ba KRISTO abagonzebwa:

 

Kiro kinu - Ninyenda kubazaho entandikwa yokwetegereza kwa MUKAMA: Okutiina RUHANGA. Abakurisitaayo ba kiro kinu babazaho muno embabazi za RUHANGA kuhikya aha kasumi kokufwora 'Okutiina RUHANGA' ekintu ekitaina mugaso. Habwaki omuntu weena asemeriire kutiina RUHANGA kunu haroho embabazi?

 

Kurungi, MUKAMA RUHANGA aijwire embabazi, baitu abantu babuzirwe amaiso hali "okutiina RUHANGA". Kinu ninkimanya nta? Ahabwa bantu baingi muno omu kanisa abanyakuli koya koya. Tosobora mananukwo kutiina RUHANGA kandi okasigara oli koya koya. Nikyo entandiko yokutiina RUHANGA eyekwija kukuvuga kukwiha omumbeera yokuba koya koya.

 

Kakusinga osoma Baibuli,oija kusanga abantu baingi muno abaali bali koya koya rundi nokukiraho, nibafukira kimu hali RUHANGA, abaali nibaburwaho okutiina RUHANGA ekyabarugiiremu emaliira embi muno, amasomo agekanisa ezinyakuli koya koya gotakwegesa habwokuba tigakutekamu kitiinisa ekichweka kinu ekya baibuli hamu norubaju runu orwa RUHANGA. Ekyokurooraho:

Nebuchadnezzar akeimukya haiguru omumutima gwe haiguru ya RUHANGA kandi baitu ebigambo byali bikyamuli omu kanwake, RUHANGA akamuteeka hansi:

 

Daniel 4:30-32 OMUKAMA yagamba ati, tiniyo Baburoni enu enkoto eyinayombekere okuba ekiikaro kyomukama okuikaramu, habwobusobozi bwamaani gange, kandi habwekitiinisa ekyobukuru bwange? Ekigambo obukikaba kiri omu kanwa komukama, iraka lyaruga haiguru nirigamba ngu Ai mukama Nebuchadnezzar kigambirwe iwe: obukama bukurugireho. Kandi olibingwa omu bantu, okuikara kwawe oliikara hamu nebisoro ebyomu kisaka; olirisibwa obunyansi nkente, kandi obusumi musanju bulikuhinguraho; okuhikya obwolimanya ngu anyakuli muno nuwe arukulema omu bukama bwabantu, nabuha wena owagonza.

Abatabani ba Aaron bakaba bali bajeemu hali RUHANGA kandi ekiikaro kya Aaron nka nyakatagara kitabajune: Ekyabalevi 10:1-2 Kandi Nadabu na Abihu, batabani ba Aaroni batwara bombi ebiswa byabu, batamu omu'ro bataho emyami'ro bahonga omu'ro ogundi omu maiso ga MUKAMA, ogwatarabaragiire. Kandi omurro gwaruga omu maiso ga MUKAMA gwabalya, bafa omumaiso ga MUKAMA.

KORAH. Korah akarabyamu amaiso obwebembezi bwa Musa hamu na Aaroni kandi yahwerekerezibwa RUHANGA: Okubara 16:3-4 Bayesoroleza hali MUSA na Aaroni, babagambira ngu musagaine okwekuza,baitu ekitebe kyoona nikyo kirukwera, omuntu wena omulibo kandi MUKAMA Ali omulibo nukwo mwenyumiriza ki okukira ekitebe kya MUKAMA?

Okubara 16:31-33 Kandi kyahika obuyamazire okugamba ebigambo binu byoona, itaka erikaba liri hansi yabu lyayatikamu habiri: ensi yayasamya akanwa kaayo yabamira namaju gaabu goona, nabantu bona aba kora, nebintu byabu byoona. Nukwo bo, nebyabu byoona, basirimuka okuzimu bakiri bomezi ensi yabaswekerra bahwerekerra omu kitebe.

 

Kinu tikirukubazibwaho omu ndagaano enkuru yonka- leka turole nomundagaano empyaka ekyokurooraho:

Herod akaikiriza abantu okumutendereza nkarundiisi yali RUHANGA, kandi RUHANGA yamuhwerekereza: Engeso zabakwenda 12:21-23 Kandi hakiro ekiyataireho, Herode akajwara ebyokujwara ebyobukama, yaika'ra ha kitebe yabagambira ebigambo ebikuru. Abantu batokera haiguru ngu Iraka lya ruhanga tiriri lyomuntu. Aho naho malaika wa MUKAMA yamutera baitu atahe Ruhanga ekitiinisa yalibwa enzito yafa.

Ananias hamu na Sapphira bakabiihabiiha bakigenderiire kandi baiba hali RUHANGA kandi nabo aho naho bakahwerekerezebwa ahabwebikorwa byabu:

 

Engeso zabakwenda 5:1-11: Baitu omusaija ibaralye Ananiya, na Safira Mukaziwe, akagura obutakabwe yayeyahu'ra ha muhendo, na mukaziwe nauwe akimanyire, yaletaho ekichweka kyagwo yakita habigere byabakwenda. Baitu Petero yagamba ati, Ananiya, kiki, setani okuijuza omutima gwawe okubiiha Omwoyo ogurukwera, nokweyahu'ra wenka ha muhendo ogwobutaka? Obubwaikarahoga bukaba butali bwawe? Kandi obubwamazire okugurwa butaikale omu busobozi bwawe? Kiki ekyakutekerezeseze omu mutima okugira oti? Tobihire bantu, baitu Ruhanga. 5. Ananiya obuyahuliire ebigambo ebi, yagwa yakanguka, okutiina kwingi kwakwata boona abaahuliire. Nabasigazi baimuka bamukuma, bamuturukya aheru, bamuzika. Kandi esaaha nkisatu zihinguireho, mukaziwe yatahamu atamanyire ebyabaireho, Petero yamugarukamu ati Ntebeza rundi mukagura obutaka omuhendo guti? Yagamba ati Ego, nukwo guti. Baitu Petero yamugambira ati kiki kinu inywe okuterana hamu okulenga omwoyo gwa MUKAMA? Dora ebigere byabu abazikire baro biri ha rwigi, barakuturukya naiwe. Ahonaho yagwa hansi ha bigerebye, yakanguka abasigazi batahamu bamusanga afire, bamuturukya aheeru, bamuzika hamu naiba. Nokutiina kwingi kukakwata ekanisa yona na bona abahuliire ebi.

 

Fwora okutiina RUHANGA ekintu ekyokubanza habwokuba Baibuli egamba ngu Okutiina RUHANGA niyo ntandikiro yokwetegereza. Kinu nikyo ekintu ekyokubanza ekyosemeriire kwetegereza hali RUHANGA-okumutiina. Noyetegereza ngu na KRISTO akagambira sitaani ngu otaligezesa MUKAMA RUHANGA Wawe. Na KRISTO aketegereza kandi yatekamu ekitiinisa RUHANGA TAATA we ekiyali ali kandi ngu RUHANGA akaba ali wokutiinwa, kutekwamu ekitiinisa, hamu nokutiinwa. Baingi muno kiro kinu tibainiire kimu okuteekamu ekitiinisa RUHANGA, nekyo ekyali, hamu nekyo ekyakwemereera, kandi nahaiguru yebyo byoona, ekyakusobora.

 

Matayo 4:5-7 Nubwo setani yamutwara ha rubuga orurukwera; yamuta ha suku ya yekaru, namugambira ati, obworaba oli Mwana wa RUHANGA, oyesimbe hansi baitu kikahandiikwa ngu Alikuragi'ra bamaraikabe, omu mikono yabu balikukwati'ra rundi oleke kuhendeka ekigere kyawe ha ibale. YESU yamugambira ati kandi kikahandikwa ngu otalirenga MUKAMA RUHANGA wawe.

 

1 Samuiri 12:24 Kyonka mutinege MUKAMA, mumuko'rege omu mazima nomutima gwanyu gwoona: baitu mutekereze okubiri ebikuru ebi ebiyakozire habwanyu.

Zabuli 2:11 Muko'rege MUKAMA nokutiina, musemererwege nokutukumira.

Zabuli 19:9 Okutiina MUKAMA kusemiire, kuikaraho ebiro byoona, Emisango ya MUKAMA yobulyo, yokuhikiira mali.

Zabuli 25:14 Ebyensita bya MUKAMA biri nabo abanyakumutiina, Aliboleka ekiragiro kye.

 

Enfumo 9:10 Omu kutiina MUKAMA numwo amagezi garukubandiza. Nokumanya ogu Arukwera nukwo kwetegereza.