TEKANIRIZA OKUTWARWA KWEKANISA (Ugandan Version) - Susan Davis (leveled readers .TXT) 📗

KWANGE.

 

Ekanisa enu eri ntaito muno mubaingi,haroho enamba ntaito muno olengesanizemu nabo abanyakunyehindukiriire. Ninyija kubasumurra O' ekanisa eyekitiinisa. Mutekwa kwikaza amaiso ganyu hali NYOWE. Hali ogu weena owarukwenda kuba omu hali ekanisa enu, muheyo ebyanyu byoona hali NYOWE, mwegarukemu ebibi byanyu byoona, muganyire boona, museere OMWOYO ARUKWERA WANGE omu bwijwire bwe bwoona, musabe okubatizibwa omu MWOYO WE, Musome ebigambo BYANGE buli kiro, munseere nkomunywani wanyu owakusingayo. Ninyenda kuhurra kuruga hali inywe ekiro kyoona. Enu niyo enkora YANGE, ebyetaago BYANGE ebyokuba omu hali ekanisa YANGE enyakweteekaniize. Obworaaba otakwenda kuba omu aha kanisa YANGE, tekaniriza ekiniga KYANGE ekirimu kwija, kufubira ensi enu eyekibi. Mutekwa kunseera nkokunihira KWANYU kwonka, habwokuba ndi kunihira kwonka okwabantu.

 

Onu nuwe MUKAMA RUHANGA, YAHUSHUA HA MASHIACH

Ebyahandikirwe ebikugenderaho:

1 Abakorinso 2:1 Nanyowe obunaizire nambere muli, bene baitu, ntaije omumaani agebigambo, rundi amagezi, nimbatebeza inywe ensita za RUHANGA.

Abagaratiya 5: 16-17 Baitu ningamba nti, mugenderege Omu Mwoyo, kandi timulihikiriza okwegomba kwomubiri. Baitu omubiri nugwegomba nugurwana nomwoyo kandi nomwoyo nugurwana nomubiri, baitu ebi nibiharana, nukwo mulemere muti okukora ebi ebimugonza.

 

21. TINSOBORA KUGUMISIRIZA ENSI EYETARUKWENDA KUHULIIRIZA HALI EKIHONGWA KYANGE AHA MUSARABA

 

(Ebigambo ebitungirwe Susan kuruga hali MUKAMA waitu, Okwaikumi nakumu 20, 2013)

 

Baana, NINYOWE RUHANGA wanyu kuruga omu Iguru haiguru. Ninyenda kubaha amakuru hali OKWIJA KWANGE. Bataito muno bali bulindaara omuli esaaha enu enyakugumire. Haroho bataito muno abanyakuhuliriize kurungi bali bulindaara. Kinu kikabazibwaho omu kitabu KYANGE ngu bataito muno baliba bandindiriire batunuliire obundiija: Obundiizira kutwara omugole WANGE, ekanisa YANGE.

 

Bataito muno baija kuba beteekaniize... bataito muno baija kuba balindiriire... nibarora... Bataito Muno baija kuba nibanseera, nekihika kiingi muno. Bataito muno baija kuba na maiso gaabu bagataire hali NYOWE. Bataito muno nibenda kuhondera RUHANGA wabo. Omukugonza KWANGE habwamaani ga MWOYO WANGE ARUKWERA. Bataito muno nibenda kuhereza abo boona abanyakuli haihi nabo okuganyira, okukurugira kimu omumitima yaabu. Bataito muno nibegarukamu omumaiso GANGE. Bataito muno mananukwo nibasaasa habwekibi Kyabu. Bataito muno nibenda kuseera OMWOYO ARUKWERA kukwata ebibi byomubiri. Baingi nibenda kukwata ebibi, byabu, omu mubiri gwabu oihireho okwebemberwa kwa MWOYO WANGE ARUKWERA. Kiri habwokwebemberwa hamu namaani ga MWOYO WANGE ARUKWERA kurora ngu omuntu weena nasobora kufuga omubiri gwe.

 

NYOWE RUHANGA tinsobora kugumisiriza omulingo ekanisa ekwatiriire ensi. Ensi eri munyanzigwa hali NYOWE. Tinkwija kukwizira kakusinga orakwatirira hali NYOWE hamu nensi. Ebibiri tibisobora kwetabura hamu. Ebibiri tibisobora kubaho hamu nobukiraaba ngu kunu nukwo kurubata kwensi. Obutumwa bwange buli munyanzigwa hali ensi.

 

Tinsobora kugumisiriza ensi eyetarukwenda kuhuliiriza hali ekihongwa KYANGE aha musaraba. Tinsobora kugumisiriza abo abanyakwehakana ekisembo KYANGE, Omusaahi GWANGE, ogusesirwe habwa bantu boona. Basobora kutunurra aha muhanda gundi gwoona, hali emihanda endi yoona, eyibakuteekereza ngu netwara hali RUHANGA, baitu haroho omuhanda gumu gwonka, kandi guli habwo musaraba GWANGE, omusaahi gwange, ekihongwa KYANGE, okufwa KWANGE, Okuhumbuuka KWANGE, hamu NOMWOYO WANGE omubwijwire bwe bwoona. Mweheyo hali NYOWE, muteeke obwomezi bwanyu hansi hali NYOWE, mweihemu byoona. Ninyenda inywe inywena. Kiri habwo kunyehereza inywe inyweka kurora ngu okuhingisaniza kunu kuija kuba kufwoirwe okumaliirize kandi nubwo ndakwijuza na MWOYO ARUKWERA, kandi muratunga amaani kuruga hali RUHANGA, owa haiguru kwomeera obwomezi bwawe omu kugonza KWANGE okuhikiriire. Tiharoho muhanda gundi gwoona, tiharoho bigarukwamu bindi byoona. Kinu nikyo ndukwetaaga kandi naabo abakuteekereza mulingo gundi baija kusigara enyuma kurora ebibi ebikusingayo, kutunuura omunyanzigwa WANGE,kurora omuhakaniza wa KRISTO, kurora ekiniga KYANGE. Iwe wenka osobora kwekorra enchwamu habwawe, eri yaawe kukora.

 

Onu nuwe RUHANGA waawe. Owakugonza omu mihanda YANGE yoona...

Ebyahandikirwe ebikugenderaho:

 

Luka 17:26-30 Kandi nkokukyahikirire, omubiro bya Nuha, nukwo kiriba kiti omubiro byomwana womuntu. Balyaga, banywaga, basweraga, bagabukaga okuhikya ha kiro Nuha ekiyatahiremu omu bwato, okusandaara kwamaizi nukwija nukubahwerekereza bona. Kandi nkokukikaba kiri omu Biro bya Ruta (Lot), balyaga, banywaga, baguraga, baguzaga, babyaraga, bayombekaga baitu ha kiro Ruta ekiyarugiire omu sodomu omu'ro nekibiriti bikagwa okuruga omu iguru nibibahwerekereza bona: nukwo kiriba kiti ha kiro Omwana womuntu ekyalisuku'rwamu.

 

Matayo 7:22-23 Baingi balingambira ha kiro kiri ngu MUKAMA waitu, MUKAMA waitu, tutagambire omu Ibara lyawe? Tutabinge mizimu omu Ibara lyawe? Tutakole byamahano bingi omu ibara lyawe? NYOWE ndibagarukamu nimgamba nti, Tinkabamanyaga inywe murugeho nambere ndi, inywena abakora ebyokwema.

 

1 Abakorinso 9:27 Bantu nyesaliza nyenka omubiri gwange ningulema, rundi obundikamara okutebeza abandi, NYOWE nyenka ntaba atarukusimwa.

Abafiripi 2:12 Nukwo abarukugonzebwa BANGE, nkokumwahuliire ebiro byoona, tibuli bwonka obunkaba ntaroho, muhikirizege okujunwa kwanyu inywenka omu kutina nokutukumira.

1 Petero 4:18 Kandi anyakuhikiriire obwalemererwa okujunwa, ogu omusisi atarukutina RUHANGA alizoka nkaha?

Matayo 7:13-14 Mutahe omu irembo erifunzire: baitu irembo ligalihire nomuhanda ogurukugenda omu kuhwereke'ra mukoto, nabo abagutahamu baingi. Baitu irembo lifunzire nomuhanda ogutaha omu bwomezi muke, nabo abaguzora bake.

 

22. OKUCWA KWA RUHANGA OMUSANGO HALI ABOMIIRE

 

Abahondezi ba KRISTO abakugonzebwa: Kurabyamu amaiso enyetwara eyeijwire eya RUHANGA hamu nokujuma embabazi za RUHANGA:

 

Ntungire amabaruha kuruga hali abantu ngu obutumwa obunkuhereza kuruga hali RUHANGA ngu bukambu muno, baitu hatali okwetegereza okuchwamu omusango harubaju rwa RUHANGA, hamu nokwehakana rundi kunuga okuchwera RUHANGA omusango kisobora kuba kyobuzibu muno. Mananukwo, kwehangiraho karuhanga omubiteekerezo akanyakuli hali embabazi zonka hamu nekisa, hatali okutiinwa, hamu nokuchwerwa omusango, kiri kwehangiraho ruhanga owoyekoliire, kandi otarukwetegereza mikoore yoona eya RUHANGA owanyakuhikire. Kandikwo, ruhanga owe mbabazi zonka hamu nekisa, ataine kutiinwa hamu nokuchwera omusango, ali ruhanga owebisuba atahikire, kandi naabo abanyakuseera ruhanga nkoogu bahangireho ekisisani kukiramya kukyeramiza.

 

RUHANGA owa Baibuli ali RUHANGA owokuchwa omusango owasemeriire kutinwa. Kandi nekintu ekindi ekya bantu abakukira beebwa kiri ngu RUHANGA achwera omusango abomeezi, hamu nembeera zobwomeezi bwabo.

 

Nobubakuba batakafwire! Leka mbahereze ebyokurooraaho ebimu:

 

Hanu haroho ebyokurooraho bisatu hali abo aba RUHANGA yachweriire omusango, abo abayomiire omu ndagaano enkuru:

 

KORAH: Korah hamu nabandi bakakwasa RUHANGA ekiniga habwokurwanisa nibahakaniza abebembezi ba RUHANGA abakomerwemu, MUSA Hamu na Aaroni, kandi kinu nikyo ebyahandiikirwe bikutugamba ebyabaireho: Okubara 16:28-33 Musa yagamba ati ha kinu, nuho muramanyira ngu MUKAMA akantuma okukora emirimo enu yona, baitu ntabikole omumagezi gange nyenka. Abantu banu obubarafa nkabantu boona okubafa obutosa, rundi obubaliizirwa nkabantu bona okubaizirwa; buli MUKAMA tantumire. Baitu MUKAMA obwarakora ekigambo ekihyaka, itaka okwasamya akanwa kalyo, nokubamira hamu nebyabu byona, nabo okusirimuka okuzimu bakiri bomezi nubwo murayetegereza ngu abantu banu bagayire MUKAMA. Kandi kyahika obuyamazire okugamba ebigambo binu byona, itaka erikaba liri hansi yabu lyayatikamu habiri. Ensi yayasamya akanwa kayo yabamira namaju gabu goona, nabantu boona aba Kora,nebintu byabu byoona. Nukwo bo nebyabu byoona, basirimuka hansi okuzimu bakiri bomezi ensi yabasweke'ra, bahwerekerra omukitebe.

BATABANI BA AARONI, NADAB hamu na ABIHU: Batabani ba Aaroni batahondere engenderwaho za RUHANGA kandi bakoomeera kukyeijukya: Abalevi 10:1-3 Kandi Nadabu na Abihu, batabani ba Aroni batwara bombi ebiswa byabu, batamu omu'ro bataho emyami'ro bahonga omu'ro ogundi omu maiso ga MUKAMA, ogwatarabaragiire. Kandi omu'ro gwaruga omu maiso ga MUKAMA gwabalya, bafa omu maiso ga MUKAMA. Nubwo Musa yagambira Aroni ati kinu nikyo eki MUKAMA ekiyagambire ati Ndyezebwa omuli abo abanyi'ra haihi kandi omu maiso gabantu bona ndinyumizibwa. Aroni yaculera.

 

OMUKAMA SAULO: OMUKAMA Saulo atahondere ebiragiro bya RUHANGA, kandi OMUKAMA Saulo atabe nemaliira nungi kandi akamarwamu nekitiinisa omu kuziikwa kwe: 1 Samuiri 15:11 Nyeyijukize baitu nkataho Saulo okuba OMUKAMA: baitu agarukireyo enyuma okutampondera, kunu tahikirize ebiragiro byange. Samuiri yabihirwa; yakunga MUKAMA ekiro okukiisa obuire.

Hanu haroho ebyokuroraaho bindi bisatu hali abo aba RUHANGA yacheriire omusango bakyali boomezi omundagaano empyaka:

 

ANNANIAS HAMU NAMUKAZI WE SAPPHIRA: Banu abantu bomu Baibuli bakabiihabiiha hali MWOYO ARUKWERA kandi batabe na kagisa koona kukora ekintu ekindi kyoona: Engeso zabakwenda 5:1-5 Baitu omusaija, ibaralye Ananiya, na Safira mukaziwe, akagura obutakabwe, yayeyahu'ra ha muhendo, na mukazi we nauwe akimanyire, yaletaho ekichweka kyagwo, yakita habigere byabakwenda. Baitu Petero yagamba ati Ananiya, kiki setani okuijuza omutima gwawe okubiiha OMWOYO ogurukwera, nokweyahu'ra wenka hamuhendo ogwobutaka? Obubwaikarahoga bukaba butali bwawe? Kandi obubwamazire okugurwa butaikale omubusobozi bwawe? Kiki ekyakutekerezeseze omu mutima okugira oti? Tobihire abantu, baitu RUHANGA. Ananiya obuyahuliire ebigambo ebi, yagwa yakanguka: okutiina kwingi kwakwata bona abahuliire. Nabasigazi baimuka bamukuma bamuturukya aheeru, bamuzika.

 

HEROD: Ensobi ya Herod eyekwitisa ekaba kweteeka omukiikaro kya RUHANGA kandi nawe akachwerwa RUHANGA omusango obwakaba akyali mwomezi.
Engeso zabakwenda 12:21-23 Kandi hakiro ekiyataireho, Herode akajwara ebyokujwara ebyobukama, yaikaara ha kitebe, yabagambira ebigambo ebikuru. Abantu batokera haiguru ngu Iraka lya ruhanga, tiriri lyomuntu. Ahonaho maraika wa MUKAMA yamutera baitu atahe RUHANGA ekitiinisa: yalibwa enzito, yafa.

Hanu haroho ebyokurooraho bindi bisatu hali abo aba RUHANGA yachweriire omusango, kunu baija kuba niboomeera omubwire bwomumaiso, ebyabalizibweho omundagaano empyaka:

 

Nabi Webisuba hamu no'muhakaniza wa KRISTO: Baibuli nebazaho ebikorwa byomubwire bwomumaiso hali aboomiire ebikwija omu Okusukururwa 20:10 Kandi na Bantu bandi abanyakumazire kuchwerwa omusango kandi bachwerwa ogwokufwa baija kuba abo abanyakuli ekanisa eya koya koya.

 

 

 

 

Kandi abantu abokusembayo abamazire okuchwerwa omusango baija kuba Ekanisa ya Koya Koya: Okusukururwa 3:16 Nukwo obwokutagata koya koya, kunu torukufuka kandi torukutagata ningenda okukutanaka omu kanwa KANGE.

 

OMULINGO GWOKUBA OMU KIIKARO EKIRUNGI OIHIREHO OKUCHWERWA RUHANGA OMUSANGO HALI ABO ABOOMIRE:

 

Abefeso 4:30 Kandi mutaganyisa Omwoyo ogurukwera owa RUHANGA, owumwateriirweho akokurora'ho hali ekiro ekyokucungurwa.

1 Abasesalonika 5:19 Mutaraza Omurro gwa MWOYO ARUKWERA.

 

Weheyo hali okugonza kwa RUHANGA wegarukemu kandi oheyo ebyawe byoona hali okugonza kwa RUHANGA, kuraba muli KRISTO, kandi osabe amaani ga MWOYO ARUKWERA, kwija omuli iwe, kukuyamba kukora okugonza kwa RUHANGA omu bwomezi bwawe obwire bwoona.

Marako 3:35 Baitu omuntu wena wena anyakukora RUHANGA ebyagonza,ogu nuwe mwene waitu, nuwe munyanya nyowe, nuwe mau.

 

Yohana 9:31 Tumanyire ngu RUHANGA tahu'ra basisi: baitu omuntu wena obwatina RUHANGA, nakora ebyagonza ogu amuhu'ra.

 

Abarumi 12:2 Kunu mutasisanizibwa nkobusinge bunu: baitu muhindurwe omu Magezi ganyu amahyaka, nukwo mwero're inywenka RUHANGA ebyagonza okubiri ebirungi ebisemiire, ebihikiriire.

 

Abakolosai 4:12 Epafura owowanyu omuiru rubale wa KRISTO YESU, abaramukize nayekamba obutosa okubasabira, inywe mwemerege nkabahikiriire, kandi mwetegereze kimu byona RUHANGA ebyagonza.

 

1 Petero 4:2 Nukwo atalyongera okwomera omumubiri bwomezi bwe bwoona obusigaireyo hali okwegomba kwabantu, baitu hali Okugonza kwa RUHANGA.

1 Yohana 2:17 Kandi ensi nehwaho,hamu nokwegomba kwayo baitu ogwo owakora okugonza Kwa RUHANGA ayomeera ebiro byoona.

 

23. KAKUSINGA ORAABA OTALI OMU KUGONZA KWANGE BULI TOHIKIRIIRE MUMAISO GANGE

 

 

(Ebigambo ebitungirwe Susan kuruga hali MUKAMA waitu, Okwaikumi nebiri 3, 2013)

 

NINYOWE RUHANGA wawe. Nyetekaniize kukuhereza ebigambo.

 

Baana BANGE, Mutekwa kwerinda ndi RUHANGA owamananu. Amananu gatekwa kugambwa kandi ngagamba. Ensi erimu kugwa. Erimu kwanga RUHANGA wayo. Bataito balimu kumpondera malikwo omulingo ogundukwenda kuhonderwa. Banu nubo abataito abakomerwemu, abasigaire nibaikara babuzire,bali hara YANGE. Bataito batekereza kiki ekindukwetaaga kusigara omu mbabazi ZANGE, enungi? Baingi muno, baikiriza ngu nibetegereza, baitu abantu abakukira bakolera aheeru yokugonza KWANGE.

 

Kiri habwokuba omu Kugonza KWANGE ekinyakuli kikuru muno. Kakusinga oba otali omukugonza KWANGE, buli tohikiriire NANYOWE. Abo bonka abanyakuli omu Kugonza KWANGE,